..لعنبو"قصةغرام" كل ابوها كلمتين
ابتديناعند<احبك> وانتهيناعند<باي>
تونا مامشينا فالهوى خطوتين
وانتهى الموضوع كله حتى ماعرفت وشو خطاي
انتهى الموضوع بكل سهوله تحكمين
وين احبك!وين ابيك!وين ساكن في حشاي!
يمكن انك ماوفيتي يوم جيتي تعشقين
ويمكن إنك تحسبيني بتبعك من دون راي
ويمكن أصلا ما عشقتي بس كنت تلعبين
ويمكن انك ماوصلتي في هواك لمستواي
ويمكن اني ماعرفتك فالحقيقه وش تبين
ويمكن اني خنت نفسي يوم اعطيتك وفاي
علميني فالهوى ياجاهله وش تعرفين
تعرفين انك صرتي شي يجري في دماي
علميني فالعطا والتضحيه وش تفهمين
لعنبو حيك عشانك عفت اقرب أقرباي
كنت احطك في عيوني تسرحين وتمرحين
كنت أشيل هموم قلبك وارمي همومي وراي
كنت اطير من السعاده يوم اشوفك تضحكين
كنت ذايب في هواك مثل سكر وسط ماي
كنت نايم بالعسل وارسم من الفرحه سنين
كنت اظنك قلب عاشق ماسكن وسطه سواي
ماوعيت الا وانتي في خفوقي تطعنين
ماوعيت إلا وسيفك بالحشا. . .رايح وجاي
ورده ايه والله ورده بس عرفتي تجرحين
كل شي فيني جريح إلا فخامة كبريااي
ماتأثرت بغيابك وش يعني دمعتين
بكره انسى صدقيني وأرجع بكامل قواي
ادري ان حنا افترقنا بس بفهم حاجتين
علميني وش كسبت وعلميني وش خطاي
أصلا الموضوع كله ماتعدى كلمتين
التقينا عند{احبك} وافترقناعند باي
((مبيوق من جهازي))
![ّ][ الريـــــم ][ّ](https://i.servimg.com/u/f18/11/67/66/64/525_0214.jpg)
الرئيسية 
السبت نوفمبر 03, 2007 10:57 am
